नेपालका चर्चित तथा झापाका गहना गायक तथा संगीतकार प्रमोद खरेललाई झापाली समाज कतारले सम्मान गरेको छ ।
कतार भ्रमणमा रहेका गायक खरेललाई दोहा कतारस्थित लालीगुराँस रेस्टुरेन्ट आयोजित एक कार्यक्रमका बीच शनिबार सम्मान गरिएको हो ।
झापाली समाजले नेपालभरि नै विभिन्न किसिमका विपदमा परेकालाई सहयोग गर्दै आएको छ । त्यस्तै, दुःखमा परेकालाई सकेको सहयोगमार्फत सामाजिक कामहरु गर्दै आएको छ ।
समाजले झापाका छोरा नेपालका प्रख्यात गायक तथा कलाकार भएका र प्रदेशमा रहेर पनि देशप्रति माया रहँदै आएको साथै देशका गहनाहरु मध्यका मुख्य पात्र कलाकार भएकोले उनलाई सम्मान गरिएको समाजले जनाएको छ ।
समाजका अध्यक्ष केशव कार्कीको अध्यक्षतामा भएको कार्यक्रममा गायक खरेलकै प्रमुख आतिथ्य रहेको थियो । कार्यक्रममा समाजका संरक्षक चूडामणि कार्की, प्रमुख सल्लाहकार भवानी कोइराला लगायतको आतिथ्य रहेको थियो ।
समाजका उपाध्यक्ष चानीलाल राजवंशीले स्वागत गरेको कार्यक्रममा प्रमुख अतिथि गायक खरेल, संरक्षक कार्कीले शुभकामना मन्तव्य राखेका थिए ।
कार्यक्रम सञ्चालन सस्थाका महासचिव विजय मगर गरेको समाजका सदस्य विमल भारतीले जानकारी गराएका थिए ।jhapatoday
