कनकाई खबर \ झापा गाउँपालिकाको शरणामतिमा संचालन भएको अध्यक्ष कप प्रदेश नं. १ पालिका स्तरीय पुरुष भलबिल प्रतियोगिताको उपाधी दमक नगरपालिकाले हात पारेको छ ।
आज शनिवार भएको फाईनल खेलमा दमकले बिर्तामोडलाई हराउदै उपाधि जितेको हो । दमकले अध्यक्षकपको उपाधिसँगै नगद १ लाख १ हजार १ सय ११ रुपैँया हात पारेको छ । दोस्रो भएको बिर्तामोडले नगद ७१ हजार १ सय ११ रुपैँया शिल्ड र ट्रफि हात पारेको छ । प्रतियोगितामा तेस्रो बनेको संखुवासभाको सभापोखरी गाउँपालिकाले नगद २१ हजार १ सय ११ रुपैँया पाउदा चौथो भएको आयोजक झापा गाउँपालिकाले १० हजार १ सय ११ रुपैँया पाएको थियो । बिजयी हुने सबै टिम तथा खेलाडीलाई झापा गाउँपालिकाका अध्यक्ष जय नारायण शाह, उपाध्यक्ष कुन्तीदेवि बुडाथोकी, वडानम्बर ६ का वडाध्यक्ष हरिबहादुर बानिया, ७ का वडाध्यक्ष नेत्रप्रसाद उप्रेती, आयोजक समितिका अध्यक्ष गजेन्द्र ताम्ली सचिव प्रेम प्रसाई लगायतले नगद तथा पुरस्कार प्रदान गरेका थिए ।
फाइनल खेलमा दमकले बिर्तामोडलाई १२ \२५, १२\२५ र २२\२५ ले हराउदै उपाधि हात पारेको हो । प्रतियोगिताको सर्वोत्कृष्ट खेलाडी दमकका प्रकाश लिम्बु घोषित भए । उनले नगद १० हजार रुपैँया प्राप्त गरे । प्रतियोगिताको उत्कृष्ट लिफ्टर दमकका मुस्कान लिम्बु, उत्कृष्ट सरभर टेम्के मयुंङ भोजपुरका सरोज राई , सर्वाेत्कृष्ट डिफेन्स आयोजक झापा गाउँपालिकाका गणेश कटुवाल, ब्लकर रोहित शिवाकोटी झापा गाउँपालिका, उदयमान खेलाडी बिर्तामोडका विज्ञान डाँगी र बेष्ट स्पाइकर सभापोखरी संखुवासभाका प्रदिप कट्टेल घोसीत भए । उनीहरुले नगद ५ हजारका दरले पुरस्कार पाएका छन् ।
फाईनल खेलअघि झापा गाउँपालिका र कमल गाउँपालिकाको महिला टिमविच मैत्रीपुर्ण भलिवल खेल भएको थियो । जसमा कमल गाउँपालिका बिजयी भएको थियो ।
सोहि कार्यक्रमका विच स्थानीय शरणामतीको खेल मैदानमा भलिबल खेलेर राष्ट्रिय प्रतियोगिता सम्म खेल्न सफल दुईजना खेलाडीहरु राजेन्द्र श्रेष्ठ र मदनकुमार बस्नेतलाई सम्मान समेत गरिएको थियो । जनतामाविको खेल मैदानमा पुस १४ गतेदेखि १९ गतेसम्म भएको प्रतियोगितामा झापा सहित प्रदेश नम्बर एकका २२ टिमको सहभागिता रहेको वताइएको छ ।
