कनकाई खबर \ झापा गाउँपालिकाको शरणामतिस्थित जनता माविमा जारी अध्यक्ष कप प्रदेश नं. १ पालिका स्तरीय पुरुष भलबिल प्रतियोगिताको फाइनल खेलकालागि विर्तामोड र दमक नगरपालिका आमनेसामने हुने भएका छन् ।
शुक्रवार भएको अन्तिम सेमी फाइनलको पहिलो खेल दमक नगरपालिका झापा र सभा पोखरी गाउँपालिका संखुवासभा विच भएकोमा दमकले २५ \२२, २५ \ २२, २५\१४ र २५\१७ को सोझो सेटमा सभापोखरीलाई पाखा लगाउँदै फाइनलको यात्रा तय गरेको हो । खेलको म्यान अफद म्याच दमकका युगल कुँवर घोषित भएका छन् ।
त्यस्तै सेमी फाइनलको दोस्रो खेल आयोजक झापा गाउँपालिका र विर्तामोड नगरपालिका विच भएको कडा प्रतिस्पर्धात्मक खेलमा विर्तामोड नगरपालिकाले ३१\२९, २५\२३ र २५\१४ को सोझो सेटमा झापा गाउँपालिकालाई पछि पार्दै फाइनलमा प्रवेश गरेको हो । विर्तामोडका रोशन डाँगी म्यान अफ द म्याच घोषीत भए । अब शनिवार (आज) हुने फाइनल खेलमा विर्तामोड र दमक नगरपालिका विच प्रतिस्पर्धा हुने भएको छ ।
झापा गाउँपालिकाको आयोजनामा यहि पुस १४ गतेदेखि संचालन भएको प्रतियोगितामा १ नं. प्रदेशका २२ वटा टिमको सहभागिता रहेको आयोजक समितिका अध्यक्ष गजेन्द्र ताम्लीले जानकारी दिएका छन । प्रतियोगिताको झापा गाउँपालिकाका अध्यक्ष जयनारायण शाहले उद्घाटन गरेका हुन् ।
प्रतियोगिताको विजेता टिमले नगद १ लाख १ हजार १ सय ११ र ट्रफी प्राप्त गर्नेछ भने दोस्रो हुनेले ७१ हजार १ सय ११ र ट्रफी, तेस्रो टिमले २१ हजार १ सय ११ र ट्रफी तथा चौथो हुने टिमले समेत नगद ११ हजार १ सय ११ र ट्रफी पाउने आयोजक समितिका अध्यक्ष ताम्लीले जानकारी दिएका छन् ।
