कनकाई खबर \ झापाको चारालीस्थित बर्दबाहिनी माता मन्दिर संरक्षण समितिले पाँचौ वार्षिक साधारण सभाको अवसर पारेर बनभोज सहितको शुभकामना आदानप्रदान कार्यक्रम सम्पन्न गरेको छ ।
नेपाली सेनाको बर्दबहादुर गण अन्तर्गतको विभिन्न जिम्मेवारीमा रहेर अवकास प्राप्त भइसकेका व्यक्तित्वहरुको कोशी प्रदेशस्तरीय बनभोज सहितको शुभकामना आदानप्रदान कार्यक्रम सम्पन्न भएको हो ।पुर्वकै प्रसिद्ध पर्यटकीय स्थल जामुनखाडी सिमसार क्षेत्रमा कार्यक्रम सम्पन्न भएको हो ।
बर्दबहादुर गणका अवकास प्राप्त नेपाली सेनाहरुको पहलमा चार वर्ष अघि नै चारालीस्थित २ नं. गेट बाहिर आस्थाको रुपमा रहेकी बर्दबाहिनी माताको मन्दिर निर्माण भएसँगै बर्दबाहिनी गण अन्तर्गतका अवकास प्राप्त नेपाली सेनाहरु संगठित हुन थालेको बताइएको छ । विभिन्न सामाजिक क्षेत्रमा समेत सक्रिय रहँदै अघि बढ्ने लक्ष्य सहित संगठित भएको मन्दिर संरक्षण समितिमा हाल सम्म १५० बढी सदस्य रहेको समितिका अध्यक्ष मुकुन्दप्रसाद भट्टराईले जानकारी दिए ।
बर्दबाहिनी माता मन्दिर संरक्षण समितिले बर्दबहादुर गणको सहयोगमा मन्दिरको संरक्षण, सरसफाई साथै समूहभित्र आइपर्ने विभिन्न समस्यामा समन्वय गर्दै निधन भएका परिवारजनमा समवेदना लिएर जाने लगायतका कार्य गर्दै आएको समितिका अध्यक्ष भट्टराईले जानकारी दिए । कार्यक्रममा अध्यक्ष भट्टराईले समितिका तर्फबाट १ लाख २८ हजार बराबरको आयव्यय विवरण प्रस्तुत गरेका थिए । कार्यक्रममा सहभागीहरुबाट शुभकामना आदानप्रदान साथै नाचगानसहितको रमाइलो बनभोज कार्यक्रमकालागी याक ब्रुअरीबाट आवश्यक केही सामाग्रीको सहयोग प्राप्त भएको गणका अवकास प्राप्त हवल्दार मेजर मेघराज पौडेलले जानकारी दिए ।
अवकास प्राप्त कप्तान निरबहादुर तामाङको अध्यक्षतामा सम्पन्न कार्यक्रममा गण अन्तर्गतका बहालवाला जमदार राजु काफ्ले, अन्तर्राष्ट्रिय खेलाडी अवकास प्राप्त जमदार डम्बरसिंह कुँवर, ईलाका प्रहरी कार्यालय सुरुङ्गाका प्रमुख प्रविन भट्टराई, पत्रकार रामप्रसाद निरौला लगायतले शुभकामना मन्तव्य राखेका थिए ।
बर्दबहादुर गणको आस्थाको रूपमा रहेकी बर्दबाहिनी मन्दिर संरक्षण समितिका अध्यक्ष भट्टराईले सहजीकरण गरेको कार्यक्रममा समितिका सचिव समेत रहेका नेपाली सेनाका अवकास प्राप्त हु.दा. ख्याम ओलीले शाब्दीक स्वागत गरेका थिए ।