शिवसताक्षी \ झापाको धार्मिक तथा पर्यटकीय क्षेत्र शिवसताक्षीको सताक्षीधाम र दोमुखामा बृहत सरसफाई र साँस्कृतीक कार्यक्रमको आयोजना गर्दे भ्रमण वर्ष २०२० को भव्य स्वागत गरिएको छ ।
शिवसताक्षी नगरपालिकाले आयोजना गरेको वृहत सरसफाई कार्यक्रममा नगरका सरकारी तथा गैह्रसरकारी संघ संस्थाका प्रमुख तथा प्रतिनिधीहरुको सहभागितामा सयौको संख्याका नगरबासीले सताक्षीधाम परिसरमा सरसफाई गरेको शिवसताक्षी नगरपालिकाका प्रवक्ता नविन इजमले वताएका छन् । नगरको वडा नं.७ का वडाअध्यक्ष समेत रहेका प्रवक्ता ईजमले नगरका त्रि धाम दोमुखा, चिल्लागढ धाम र सताक्षीधामले नगरको पहिचान स्थापित गरेको बताएका छन् ।
राष्ट्रिय रमणीय आदर्श माध्यमिक विद्यालय दुधेको भुपू विद्यार्थी मञ्च, सतासीधाम जेसीज, शिवसताक्षी नगर प्याव्सनलगायत नगरका सामुदायीक र संस्थागत विद्यालयको कार्यक्रममा सहभागीता थियो । शिवसताक्षी नगरपालिकाकी उपमेयर भोजकुमारी नेपालले नगरको पहिचानका रुपमा रहेका सताक्षीधाम, दोमुखा र चिल्लागढ पोखरीको प्रवद्र्धनका लागि पर्यटन भ्रमण वर्ष २०२० कोसेढुँगो सावित हुने वताईन । उनले सताक्षीधाम, चिल्लागढ पोखरी र दोमुखा का रमणीय दृश्य हेरेर आनन्दलिन आन्तरिक तथा वाह्य पर्यटकलाई आग्रह गरिन् ।
नगरका कार्यवहाक प्रमुख प्रशासकिय अधिकृत तथा नगर शिक्षा अधिकारी सुरेन्द्र दाहालले आन्तरिक तथा वाहिय पर्यटकका लागि सताक्षीधाम र दोमुखा प्रदेश नम्बर १ को उत्कृष्ठ गन्तव्य बनेको बताए । कार्यक्रममा नगरका योजना शाखाका प्रमुख प्रकाश चौधरीले पर्यटन भ्रमण वर्ष २०२० मा नगरका पर्यटकीय क्षेत्रमा पर्यटकको आवगमन नगरका लागि नयाँ आयाम हुने बताएका छन ।
सताक्षीधाम, दोमुखा र चिल्लागढधाम आउने विदेशी तथा स्वदेसी पर्यटकले निर्धक्क रुपमा शिवसताक्षी नगरका पर्यटकिय क्षेत्रमा निर्वाध घुम्न र आध्यात्मिक लाभ लिन सक्ने ईलाका प्रहरी कार्यलय झिलझिलेका प्रहरी निरीक्षक कोमल ठाकुर ले बताएका छन । उनले भने, ‘विना संकोच शिवसताक्षी नगरका पर्यटकीय क्षेत्रमा यहाँले भ्रमण गर्न सुरक्षा चुनौती सहनुपर्देन, तीनवटै क्षेत्रमा नेपाल प्रहरी तैनाथ छ ।’
यता नगरको अर्को पर्यटकीय क्षेत्र दोमुखामा पर्यटन भ्रमण वर्षकै पहिलो दिन आन्तरिक पर्यटकले खचाखच भरिएको थियो । दोमुखा धार्मीक तथा पर्यटकीय विकास संस्थाका सचिव धनवहादुर ढकालका अनुसार वनभोजका लागि ७१ वटा टोली दोमुखा आएका थिए ।
ढकालले दिएको जानकारी अनुसार दोमुखामा वुधबार ७ हजार सर्वधारण नयाँ वर्ष २०२० मनाउन पुगेका थिए । नेपाल लगायत भारतको सिक्कीम, दार्जे्लिङ्ग, कालेम्पोङ्ग, सिलिगुडी लगायतका स्थानबाट बनभोजका लागि हजारौ सर्वसाधरण आए । दोमुखा धार्मीक तथा पर्यटकीय विकास सस्था का अध्यक्ष धनवहादुर लावतीको अध्यक्षतामा दोमुखामा वृहत साँस्कृतिक कार्यक्रम पनि भएको थियो ।
स्थानीय वालनिकुञ्ज माध्यमिक विद्यालय, मेची ईलिंस वोर्डिङ्ग स्कूल र रेडरोजका छात्र छात्राले नेपाल र नेपालीको परम्परा झल्कने गीत, नृत्य प्रस्तुत गरेका थिए । कार्यक्रम शिवसताक्षी नगरपालिका वडा नम्बर १० का वडा अध्यक्ष कर्णवहादुर थापाको प्रमुख आतिथ्यतामा भएको थियो ।
