कनकाई खबर \ कनकाई —७ दुर्गापुर स्थित साझा बहुउद्येश्यीय सहकारी संस्थाको आगामी ४ बर्षे कार्यकालको लागि भएको सञ्चालक समितिको निर्वाचनबाट अध्यक्षमा टिकाप्रसाद पाठक विजयी भएका छन् । पाठकले २५८ मत प्राप्त गरि विजयी भएका छन् भने प्रतिस्पर्धी ईश्वरी प्रसाद शिवाकोटीले २२२ मत प्राप्त गरे ।
त्यस्तै उपाध्यक्षमा पूर्णप्रसाद वेडारीले २३५ मत ल्याई विजयी भएका छन् भने उनका प्रतिस्पर्धी भक्तबहादुर मेयाङवोले २३१ मत ल्याएका छन् । त्यसैगरि सचिव पदका उम्मेद्वार मनोजकुमार पोखरेल र चन्द्रप्रसाद मैनाली दुवैले २२४\२२४ मत ल्याई बराबर भएकोले गोला प्रथाद्वारा मनोजकुमार पोखरेल विजयी भएको निर्वाचन समितिले जनाएको छ ।
यस्तै सदस्यहरुमा क्रमशः देवीमाया राजवंशी २८५, लता श्रेष्ठ २६३, पदम निरौला २६०, तुलसी थपलिया २६० र सीता सापकोटा निरौलाले २५६ मत ल्यायी विजयी भएको बताइएको छ ।
यसैगरि लेखा सुपरीवेक्षण समितिको संयोजकमा दुर्गा नेम्वाङ २३५ मत ल्याई विजयी भएका छन् उनका प्रतिस्पर्धी केशव वेडारीले २२० मत प्राप्त गरे । गत मंसिर २३ गते सम्पन्न संस्थाको ३१ औं साधारण सभामा सञ्चालक समिति र लेखा सुपरीवेक्षण समिति सर्वसम्मत चयन गर्ने प्रयास भएको कनकाई खबरका स्थानीय प्रतिनिधि अमृत योङहाङले जानकारी दिए ।
सो प्रयास विफल भएपछि प्रतिस्पर्धीहरु आ–आफ्नै प्यानल बनाई निर्वाचनमा होमिएका थिए । यस अघि कोषाध्यक्ष पदमा तारा कार्की, लेखा सुपरीवेक्षण समितिको सदस्यहरुमा चन्द्रमणी हुँमागाई र सुकदेव पौडेल सर्वसम्मत भइसकेको निर्वाचन समितिका संयोजक चन्द्रप्रसाद चुडालले जानकारी दिए ।
