कनकाई खबर \ प्याब्सन कनकाईको नगरस्तरीय दुई दिवसीय सांस्कृतिक कार्यक्रम सम्पन्न भएको छ ।
कनकाई ३ स्थित देवकोटा एजुकेशन फाउण्डेशनको परिसरमा सम्पन्न दुई दिवसीय प्रतियोगितात्मक सांस्कृतिक कार्यक्रम अन्तर्गत पहिलो दिनको गायन तर्फ कक्षा ११ र १२ साथै १२ बर्ष मुनिका र १२ बर्ष भन्दा माथिका विद्यार्थीले आफ्नो प्रतिभा प्रस्तुत गरेका थिए । त्यस्तै मावि स्तरीय लोक साँस्कृतिक नृत्य प्रतियोगिता समेत सम्पन्न भएको थियो ।
कक्षा ११ \ १२ तर्फको गायन प्रतियोगितामा हरिकुल नमुना अंग्रेजी मावि प्रथम र पशुपति अंग्रेजी मावि द्वितीय भए । त्यस्तै १२ बर्ष मुनिका विद्यार्थीको गायन प्रतियोगितामा देवकोटा एजुकेशन फाउण्डेशन प्रथम , ज्ञानमाला एकाडेमी द्वितीय र अरुणोदय अंग्रेजी मावि साथै हाम्रो पाठशाला तृतीय भएका थिए ।
त्यस्तै १२ बर्ष माथिका विद्यार्थीको गायन प्रतियोगीतामा प्यारागन एकाडेमी र अरुणोदय अंग्रेजी मावि प्रथम, हरिकुल नमुना अंग्रेजी मावि र देवकोटा एजुकेशन फाउण्डेशन द्वितीय साथै पशुपति अंग्रेजी मावि तृतीय भए । त्यस्तै मावि स्तरीय लोक सांस्कृतिक नृत्य प्रतियोगीतामा प्यारागन एकाडेमी प्रथम, नवयुग शिक्षा निकेतन द्वितीय र बेनुबाजा अंग्रेजी मावि तृतीय भएको प्याब्सन कनकाईका सचिव मोहन थापाले जानकारी दिए ।
प्रतियोगीताको निर्णायक मण्डलमा गायनतर्फ संगीत प्रशिक्षक संगीतकार अनुप दियाली र गायक तथा संगीत प्रशिक्षक टंक थापामगर रहेका थिए । त्यस्तै नृत्य तर्फको निर्णायक मण्डलीमा बरिष्ठ नृत्य निर्देशक यामबहादुर बस्नेत, राष्ट्रिय नृत्य परिषद कोषाध्यक्ष प्रनिषा उदास, नृत्य निर्देशकद्वय मनिस कटुवाल र राज न्यौपाने रहेको बताइएको छ । कार्यक्रमको दोस्रो दिन आधुनिक गीतमा कक्षा ५ सम्मको र राष्ट्रिय गीतमा कक्षा– ८ सम्मको नृत्य प्रतियोगिता सम्पन्न भएको थियो ।
कक्षा–५ सम्मको आधुनीक गीतमा भएको नृत्य प्रतियोगीतामा प्यारागन एकाडेमी प्रथम, ग्लोवल एडुकेयर एकाडेमी द्वितीय र नवयुग शिक्षा निकेतन तृतिय भए भने राष्ट्रिय गीतमा कक्षा–८ सम्मको नृत्य प्रतियोगीतामा प्यारागन एकाडेमी प्रथम , ग्लोवल एडुकेयर एकाडेमी द्वितीय र पशुपति अंग्रेजी मावि तृतीय भए ।
प्रतियोगीतामा प्रथम, द्वितीय र तृतीय भएका विद्यालयले ट्रफी र विद्यार्थीले मेडल प्राप्त गरेका छन् साथै सहभागी सबैलाई सहभागीताको मेडल प्रदान गरिएको बताइएको छ । प्रतियोगीताको हरेक बिधामा प्रथम हुने विद्यार्थीहरुले पुष १ र २ गते दमकमा हुने जिल्ला स्तरीय प्रतियोगितामा भाग लिन पाउने प्याब्सन कनकाई नगर अध्यक्ष विनोद सुब्बाले जानकारी दिएका छन् ।
प्याब्सन कनकाई नगर अध्यक्ष विनोद सुव्वाको सभापतित्वमा सम्पन्न कार्यक्रममा कनकाई नगरपालिका वडा नं.–३ का अध्यक्ष युवराज चौलागाईं, प्याब्सन झापाका अध्यक्ष गौरीमान फागो, उपाध्यक्ष टिआर गौतम,प्यारगन एकाडेमीका संस्थापक अध्यक्ष चम्पादेवी सुवेदी लगायतले शुभकामना मन्तव्य राखेका थिए।
कार्यक्रममा प्याब्सन झापाका सल्लाहकार प्रभुकुमार श्रेष्ठ, सचिव हरिकृष्ण पाठक, प्रदेश सदस्य भानु राजवंशी,झापा जिल्ला कोषाध्यक्ष अमृत तिम्सिना,सह–सचिवद्वय लक्ष्मी उप्रेती र भवानी पाठक सह–कोषाध्यक्ष हरि फुयाल, सदस्य गणेश श्रेष्ठ प्याब्सन झापा गाउँपालिकाका अध्यक्ष नवराज सुवेदी, प्याब्सन कनकाई नगरका सल्लाहकार अखिल कोइराला, रोटरी क्लव अफ सुरुङ्गाका अध्यक्ष शिवकुमार कडेल लगायतको उपस्थिति रहेको थियो ।
कार्यक्रम संयोजक एवं प्याब्सन कनकाई नगर कोषाध्यक्ष विनोद उप्रेतीले उपस्थित सबैलाई स्वागत गरेको कार्यक्रममा देवकोटा एजुकेशन फाउण्डेशनका वालवालिकाबाट स्वागत नृत्य प्रस्तुत भएको थियो । कार्यक्रमको सञ्चालन प्याब्सन नगर सचिब मोहन थापाले गरेका थिए ।
