काठमाडौं- काठमाडौंबाट नेपालगञ्जका लागि उडेको बुद्ध एअरको एटीआर विमान मौसम खराबीका कारण नेपालगञ्ज अवतरण नगरी पुनः काठमाडौं नै फर्किएको छ।
त्रिभुवन विमानस्थल आन्तरिक टर्मिनलका अनुसार र बुधवार बिहान काठमाडौंबाट करिब ७ बजेर ४५ मिनेटमा उडेको विमान मौसम खराबीका कारण नेपालगञ्ज विमानस्थलमा अवतरण गर्न नसकेपछि काठमाडौं फर्किएको हो।
नेपालगञ्ज विमानस्थलमा हुस्सु लागेकोले विमान अवतरण गर्न नसक्ने देखिएपछि पुन: काठमाडौं फर्काइएको थियो। सो विमान काठमाडौं विमानस्थलमा अवतरण गरिसकेको र इन्धन भरेर पुनः नेपालगञ्ज उड्ने तयारीमा रहेको विमानस्थलले जनाएको छ।
कमेन्टस्
