राम निरौला कनकाई खबर  \  अन्तर्राष्ट्रिय आप्रवासी दिवस एवम् सिभिल बैंक लिमिटेडको ९औं वार्षिकउत्सवको अवसर पारेर सुरुङ्गामा विहिवार सम्पन्न भएको रक्तदान कार्यक्रममा १ सय ३१ जनाले रक्तदान गरेका छन् ।    सिभिल बैंकले आफ्नो वार्षिक उत्सवको अवसरमा संयोजन गरेको रक्तदान कार्यक्रम नेपाल रेडक्रस सोसाइटी सुरुङ्गा उपशाखा, सुरुङ्गा जेसीज, रोटरी क्लव अफ सुरुङ्गा, कनकाई उद्योग

"/>
Header Ad Header Ad

Most Viewed

Categories

सुरुङ्गामा १ सय ३१ जनाले रक्तदान गरे

  राम निरौला

कनकाई खबर  \  अन्तर्राष्ट्रिय आप्रवासी दिवस एवम् सिभिल बैंक लिमिटेडको ९औं वार्षिकउत्सवको अवसर पारेर सुरुङ्गामा विहिवार सम्पन्न भएको रक्तदान कार्यक्रममा १ सय ३१ जनाले रक्तदान गरेका छन् ।

   सिभिल बैंकले आफ्नो वार्षिक उत्सवको अवसरमा संयोजन गरेको रक्तदान कार्यक्रम नेपाल रेडक्रस सोसाइटी सुरुङ्गा उपशाखा, सुरुङ्गा जेसीज, रोटरी क्लव अफ सुरुङ्गा, कनकाई उद्योग वाणिज्य संघ, सुरुङ्गा सहकार्य युवा क्लवसहितका स्थानीय क्रियाशिल सामाजिक संस्थाहरुको संयुक्त आयोजनामा सम्पन्न भएको सिभिल बैंक शाखा सुरुङ्गाका प्रमुख प्रकाश निरौलाले वताएका छन् ।

  स्थानीय क्रियाशिल संघसंस्थाहरुको एकतालाई अझै सुमधुर बनाउँदै अघि बढ्ने उद्येश्यका साथ कार्यक्रमलाई सहज रुपमा सम्पन्न गर्न केही सामाजिक साथै शैक्षिक संस्थाहरुले सहयोगीका रुपमा भूमिका खेलेको वताइएको छ । जस अनुसार स्थानीय सहयोगी संस्थाहरुमा युवा रेडक्रस सर्कल युनिक बहुमुखी क्याम्पस, यु.रे.स.कनकाई मावि, यु.रे.स.पशुपति अंग्रेजी मावि, यु.रे.स.झापा मेरीगोल्ड अंग्रेजी मावि साथै ज्ञानज्योती युवा क्लव, कनकाई भेट्रान क्लव, सुर्योदय क्लव, कनकाई नगर बाल संजाल लगायत रहेको वताइएको छ ।

   बन्द निषेधित शान्ती क्षेत्रका रुपमा लामो समयदेखी आफ्नो अस्तित्व कायम रहँदै आएको कनकाई नगरको सुरुङ्गा क्षेत्रमा क्रियाशिल संघसंस्थाहरुले जनसरोकारका विषयमा एकैसाथ रहेर संयुक्त रुपमा कार्यक्रम सम्पन्न गर्दै आएका छन् । धार्मिक तथा पर्यटकीय नगरीका रुपमा समेत परिचित झापाको कनकाई नगरमा रहेका क्रियाशिल संघसंस्था विच महत्वपूर्ण विषयमा भएको एकता कायम रहनु पर्ने भन्दै कार्यक्रमका सहभागीहरुले एकताको निरन्तरताकालागि जोड दिएका छन् ।

    नेपाल रेडक्रस सोसाइटी सुरुङ्गाा उपशाखाका सभापति प्रविन तिम्सिनाको अध्यक्षता एवम् कनकाई नगरपालिकाका प्रमुख प्रशासकीय अधिकृत खरुदेव चुडालको प्रमुख आतिथ्यता रहेको रक्तदान कार्यक्रमको रेडक्रस दमक शाखा रक्त संचार विभागको प्राविधिक सहयोग रहेको वताइएको छ । झापा मेरीगोल्ड अंग्रेजी माविका विद्यार्थीहरुको उल्लेख्य सहभागिता रहेको रक्तदान कार्यक्रममा कनकाई उद्योग वाणिज्य संघका महासचिव तुलसी विमलीले औचित्यमाथि प्रकाश पारेका थिए ।

   सुरुङ्गा सहकार्य युवा क्लवका अध्यक्ष टिकाराम भण्डारी(सुदिप) को स्वागत तथा सुरुङ्गा जेसीजका कानुनी सल्लाहकार त्रिलोचन उप्रेतीले संचालन गरेको कार्यक्रममा कनकाई ३ का वडाअध्यक्ष रुद्रप्रसाद चिमरीया, सिभिल बैंक शाखा सुरुङ्गाका प्रमुख प्रकाश निरौला, कनकाई सामुदायिक वनका अध्यक्ष ख्याम ओली लगायतले मन्तव्य राखेका थिए ।

Facebook Comments

    Leave Your Comment

    Your email address will not be published.*

    Forgot Password