कनकाई खबर / झापाको कनकाई नगरपालिका ५ स्थित चप्रामारीबाट गएराती विद्युतिय ट्रान्समिटर चोरी भएको छ ।चोरी गर्ने समुहले ११ हजार भोल्टेजबाट ट्रान्समिटरको तार हटाई त्यहाँ रहेको १०० केभिएको ट्रान्समिटर चोरी भएको कनकाई नगरपालिका ५ का वडासदस्य दिलु उप्रेतीले बताए ।
चोरी गर्ने समुहले तामाको तार र त्यहाँ रहेको तेलका लागि ट्रान्समिटरको चोरी गरेको र चोरी गर्ने समुहको खोजी कार्य जारी रहेको इलाका प्रहरी कार्यालय सुरुङ्गाका प्रहरी प्रमुख बरिष्ठ प्रहरी नायव निरिक्षक अशोक कोइरालाले जानकारि दिई।
हालसम्म यस क्षेत्रमा कुखुरा, काठ, लगायातका घरायसी सामाग्रीहरु चोरी हुने गरेको भएपनि यसरी मेन लाईन काटेरै ट्रान्समिटर नै चोरी भएको भने यो पहिलो घटना भएको कनकाई नगरपालिका ५ का वडाअध्यक्ष कृष्णबहादुर राईले जानकारी दिए ।
कमेन्टस्
