Most Viewed

Categories

कनकाई प्याब्सनद्वारा सांस्कृतिक कार्यक्रम सम्पन्न

कनकाई खबर  \  निजी तथा आवासीय बिद्यालय अर्गनाइजेसन नेपाल ( प्याब्सन ) कनकाई नगर समितिको आयोजनामा दुई दिवसीय कनकाई नगर स्तरीय सांस्कृतिक कार्यक्रम गायन तथा नृत्य प्रतियोगिता शुक्रबार चम्पा फ्लावर्स अंग्रेजी बिद्यालय कनकाई नगरपालिका ३ को प्राङ्गणमा सम्पन्न भएको छ ।

प्याब्सन कनकाई नगरका अध्यक्ष विनोद सुब्बाको अध्यक्षता , कनकाई नगर प्रमुख राजेन्द्र पोखरेलको प्रमुख आतिथ्य साथै प्याब्सन झापाका अध्यक्ष एलपी उप्रेती, प्याव्सन १ नं. प्रदेशका सदस्य डिआर सुवेदीको विशिष्ट आतिथ्यतामा भएको कार्यक्रममा कनकाई नगर भरिका १५ वटै निजी तथा आवासीय बिद्यालयको सहभागिता रहेको थियो ।

मा. बि. स्तरीय लोक तथा सांस्कृतिक सामुहिक नृत्य प्रतियोगितामा प्यारागन एकाडेमी प्रथम , नव युग शिक्षा निकेतन द्वितीय र पशुपति अंग्रेजी मावि तृतीय भएको चम्पा फ्लावर्स अंग्रेजी विद्यालयका प्रिन्सिपल बिमान लामाले बताएका छन ।
प्रिन्सिपल लामाका अनुसार कक्षा ५ सम्मको आधुनिक नृत्य प्रतियोगितामा प्यारागन एकाडेमी प्रथम , बिद्योदय अंग्रेजी मावि द्वितीय र पशुपति अंग्रेजी मावि तृतीय भएका छन । कक्षा ८ सम्मको स्वदेश गीतमा गरिएको नृत्य प्रतियोगितामा प्यारागन एकाडेमी प्रथम , नवयुग शिक्षा निकेतन द्वितीय र पशुपति अंग्रेजी मावि तृतीय भएका छन ।

गायन तर्फ १२ बर्ष मुनिको प्रतियोगितामा दिब्यरत्न माविकी छात्रा प्रेरणा ओली प्रथम , प्यारागन एकेडेमीकी छात्रा साधना चिमरिया द्वितीय र पाथिभरा एकेडेमी लक्ष्मीपुरकी एलीसा कालिकोटे तृतीय भएका छन भने १२ बर्ष माथिको गायन प्रतियोगितामा पशुपति अंग्रेजी माविका छात्र अंकित राई प्रथम , प्यारागन एकेडेमीकी छात्रा श्रुति बुढाथोकी द्वितीय र चम्पा फ्लावर्स अंग्रेजी माविका निखिल मगर तृतीय भएका छन ।

 प्रतियोगिताको निर्णायक मण्डलमा गायन तर्फ दिपक रायमाझी र सरोज दाहाल रहेका थिए भने नृत्य तर्फ देवश्री नृत्य सेन्टर सुनसरीका देवराज खड्का र दमक विहानी कला केन्द्रका विमल नेपाल रहेका थिए । कार्यक्रममा प्रथम, द्वितीय र तृतीय हुने सहभागीलाई कार्यक्रमका अध्यक्ष विनोद सुब्बाको हातबाट शिल , मेडल र प्रमाण पत्र प्रदान गरिएको छ । यस कार्यक्रममा प्रथम हुने प्रतियोगी प्याब्सन जिल्लाले आयोजना गर्ने जिल्लास्तरीय प्रतियोगितामा समावेश हुने प्याब्सन कनकाई नगरका सल्लाहकार अखिल कोइरालाले वताएका छन ।

बालबालिकालाई राष्ट्रिय कलाकार बनाउन प्याब्सनले खेलेको भुमिकाको मुक्त कण्ठले प्रसंशा गर्दै प्रमुख अतिथि पोखरेलले बधाई तथा शुभकामना ब्यक्त गरेको कार्यक्रममा विशिष्ट अतिथी प्याव्सन झापाका अध्यक्ष एलपी उप्रेतीले बधाई तथा शुभकामना मन्तब्य राखेका थिए ।

शैक्षिक ब्यक्तित्व , बिद्यार्थी , अभिभावक , संघसंस्थाका प्रतिनिधी लगायत उपस्थित सम्पूर्णलाई उद्घाटन कार्यक्रममा स्वागत प्याब्सनका नगर सचिव केशव बेडारीले गरेका भिए भने संचालन नगर कोषाध्यक्ष सागर ढुङ्गानाले र समापन कार्यक्रमको संचालन सचिव केशव बेडारीले गरेका थिए ।

Facebook Comments

    Leave Your Comment

    Your email address will not be published.*

    Forgot Password