धरान । धरानमा बडादसैंको दिन शुभसाइतमा मुस्लिम समुदायका अगुवाले पनि मान्यजनबाट टीका जमरा थापेर दसैं मनाएका छन् । मुस्लिमको चाडपर्वमा हिन्दुहरु रमाउने र हिन्दुहरुको चाडपर्वमा मुस्लिमहरु रमाउने परम्परालाई निरन्तरता दिन दसैंको टीका र जमरा लगाएर धार्मिक सद्भावलाई निरन्तरता दिएकाे मुस्लिम अगुवा फिराेज अलिले जानकारी दिनु भयाे ।
यहाँका मुस्लिम अगुवा तथा धरान मुस्लिम एकता समाजका अध्यक्षसमेत रहनु भएका अलिले मङ्गलवार हिन्दु समुदायका मान्यजनबाट दसैंको टीका थाप्नुभयो । छिमेकी कृष्ण शाहीकाे घरमा पुगेर टीका लगाई आर्शिवाद लिने गरेकाे उहाँले बताउनु भयाे । उहाँका छाेरीहरू मनका शाही र मन्दिरा शाहीबाट तपहारकाे भाइ टिकासमेत ग्रहण गर्ने उहाँले बताउनु भयाे ।
उहाँले दसैं, तिहार, रक्षाबन्धन, होली, दीपावलीजस्ता चाडपर्वहरु सधैं यसैगरी मिलेर मनाउने गरेको बताउनुभयो । दस तिहार नेपालीहरूकाे चाड भएकाले आफुले मान्ने गरेकाे उहाँकाे भनाई छ ।मुस्लिमका चाडपर्व ईद, बकरईद, मोहर्रम तथा मोहम्मद डे मा हिन्दु समुदायका मान्यजनलाई बोलाएर उहाँहरुसँग रमाउने गरेको पनि अगुवा अलिले बताउनुभयो ।
हिन्दु र मुस्लिम समुदायले वर्षौदेखि सँगै मिलेर एकआपसमा दुबै समुदायका चाडपर्व मनाउँदै आएको उहाँको भनाइ छ । उहँसँगै मुस्लिम अगुवा अरमान अलि, जाफिर अलिले पनि दशै तिहार मान्दै आउनु भएकाे उहाँले जानकारी दिनु भयाे ।नेकपा एमाले जिल्ला कमिटी सदस्यसमेत रहनु भएका अलिले वर्षौदेखि आफूले दुबै समुदायका चाडपर्वमा रमाउनेगरेको जनाउँदै एकअर्कासँग मिलेर सँगै मनाउने गरेको बताउनुभयो
। हिन्दुले मुस्लिमको चाडमा सहभागी हुने र मुस्लिमले हिन्दुको चाडपर्वमा सहभागी हुने यहाँको परम्परा बनिसकेको उहाँ बताउनु हुन्छ । उहाँले यहाँ बर्षौदेखि दुबै समुदाय अति नै राम्रोसँग मिलेर बसेको जनाउँदै दुबै समुदायवीच निकै राम्रो सम्बन्ध र घनिष्टता रहेको बताउनुभयो ।
‘दसै नेपालीकाे चाड हाे धरानमा राई, लिम्बू, तामाङ, नेवारलगायत अन्य जातिले मनाउदै आएका छन् । यहाँ जातिय, धार्मिक सद्भाव छ ।’- अलिले भन्नू भयाे ।उहाँले सबैका चाडपर्वलाई सम्मान गरेर सामेल भई मनाउन पाएकोमा खुशी व्यक्त गर्नुभयो ।
