वीरगञ्ज – रौतहटमा हात्तीको आक्रमणबाट एक महिलाको मृत्यु भएको छ ।
हात्तीको आक्रमणबाट दुई जना घाइते भएका छन् ।
चन्द्रपुर न.पा. वडा नं. ५ राजपेड बस्ने मनियादेवी कुमरको हात्तीको आक्रमणबाट मृत्यु भएको प्रहरीले जनाएको छ ।
अन्य स्थानीय महिलाहरू अधनया देवी र पनावतीकुमारी घाइते भएका प्रहरीले जनाएको छ । उनीहरू तीन जना शनिवार घाँस काट्न जंगल गएका थिए । घाँस काट्न जंगल गएका बेला उनीहरूलाई हात्तीले आक्रमण गरेको थियो ।
मनियादेबी शनिबारदेखि नै हराइरहेकी थिइन् । घाइते दुई जना भने शनिवार नै फेला परेका थिए । घाइते दुई जनाले भने भागेर ज्यान बचाएका थिए ।
नेपाली सेना, नेपाल प्रहरी, डिभिजन वन कार्यालय चन्द्रपुरको संयुक्त टोलीले खोजतलास गर्ने क्रममा उनी मृत अवस्थामा भेटिएकी रौतहटका प्रहरी प्रवक्ता दामोदर केसीले जानकारी दिए ।
उनको शव आइतबार बिहान खोजी गर्ने क्रममा जँगलमै साढे सात बजेको समयमा भेटिएको केसीले बताए ।
