कनकाई खबर \ झापामा ठूलो परिणामको लागु औषधसहित दुईजना व्यक्ति पक्राउ परेका छन् ।
दमकस्थित भान्जा होटल एण्ड लजवाट पक्राउ परेका भारतीय नागरीक २७ वर्षिय रिन्टु सेख र गौरादहको धोविनिया चोकस्थित सडकवाट पक्राउ परेका अर्का व्यक्ति गौरादह नगरपालिका ३ का ३२ वर्षीय सुनील बराल रहेका छन् । विशेष सुराकीको आधारमा ईलाका प्रहरी कार्यालय दमक झापावाट खटिएर गएको गस्ती टोलीले सेखलाई होटलको कोठा नं.१०१ वाट पक्राउ गरेको जिल्ला प्रहरी कार्यालय झापाका प्रहरी प्रवक्ता प्रहरी नायव उपरिक्षक महेन्द्रकुमार श्रेष्ठले वताएका छन् ।
सेखले आफ्नो बायाँ हातको काखी मुनी कम्मरदेखि माथि आँफूले लगाएको कपडाको भित्री भागमा प्लाष्टिकको पोकामा लुकाएर राखेको अवस्थामा प्रतिबन्धीत खैरो हिरोइन जस्तो देखिने लागु औषध ब्राउन सुगर बरामत गरेको प्रहरी प्रवक्ता श्रेष्ठले जानकारी दिएका छन् । बरामत गरिएको लागु औषध २१७ ग्राम ६७ मिली ग्रामको रहेको वताइको छ । सेखको साथवाट सेतो रङ्को एक थान आइफोन मोवाइल, एनसेल र जेआइओको सिम कार्ड साथै नेपाली रुपैंया १३ हजार समेत बरामत भएको वताइएको छ । सेखसँगै रहेका सुरमान अलीलाई समेत नियन्त्रणमा लिई ईलाका प्रहरी कार्यालय दमकवाट लागु औषध मुद्धाकालागि थप अनुसन्धान भइरहेको प्रहरीले जनाएको छ ।
त्यस्तै गौरादहको बरगाछी घर भएका सुनील बराल गौरादहको धोविनिया चोकस्थित सडक खण्डवाट पक्राउ परेका हुन् । स्कुटर रोकेर बसेको अवस्थामा बरालले बोकेको बजारे झोलाभित्रको हर्लिक्सको बट्टाभित्र प्रतिबन्धीत खैरो हिरोइन जस्तो देखिने ३५२ ग्राम ३१ मिली ग्राम लागु औषध ब्राउन सुगर प्रहरीले बरामत गरेको हो । बरालवाट १ थान मोवाइल सेट, एउटा निलो सेतो रङ्को बा.८१ प. ६२४० नं.को होन्डा कम्पनीको स्कुटर समेत प्रहरीले बरामत गरेको छ । पक्राउ परेका बरालले अनुसन्धानको क्रममा दिएको वयानका आधारमा लागु औषधको विक्रि वितरणवाट खरिद गरेको बा.३ च.९२५५ नम्बरको कार समेत बरामत गरी ईलाका प्रहरी कार्यालय दमकवाट लागु औषध मुद्धाकालागि थप अनुसन्धान भइरहेको झापाका प्रहरी प्रवक्ता प्रहरी नायव उपरिक्षक महेन्द्रकुमार श्रेष्ठले वताएका छन् ।
