जनकपुरधाम । धनुषाको बटेश्वरमा ट्याक्टरले किच्दा एक महिलाको मृत्यु भएको छ । मृत्यु हुनेमा बटेश्वर गाउँपालिका वडा नं. ५ शान्तिपुर बस्ने वर्ष ४० की रेखा देवी महतो छिन् ।
महतो बिहीबार साँझ ज १० प २५५ नम्बरको मोटरसाइकलमा चढेर माइत जाँदै गरेको बेला विपरीत दिशबाट आउँदै गरेको प्रदेश २–००२– ०१ प ६३६६ नम्बरको मोटरसाइकलसँग ठोक्किएको थियो । लगत्तै पछाडिबाट फलाम बोकेर आउँदै गरेको ज १ त ५३ ५८ नम्बरको ट्याक्टरले रेखालाई किचेको थियो ।
उनलाई उपचारका लागि जनकपुर ल्याउँदै बाटोमै मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक दीपक कार्कीले जानकारी दिए ।
विपरीत दिशाबाट आउँदै गरेको मोटरसाइकलमा सवार बटेश्वर गाउँपालिका ३ का युवक गंगाराम महरा घाइते भएका छन् । उनको उपचार जनकपुरमा भइरहेको छ ।
कमेन्टस्
