कनकाई खबर \ झापाको शिवसताक्षी—१० माइधारमा बोलेरो र स्कुटर ठोक्किँदा एक जनाको मृत्यु भएको छ भने दुई जना गम्भीर घाइते भएका छन् ।
आज बिहान ३ः४० बजे पूर्वपश्चिम राजमार्ग अन्तर्गत माइधारमा भएको दुर्घटनामा स्कुटरमा सवार तीन जना गम्भीर घाइते भएकोमा एक जनाको बिर्तामोडस्थित बीएण्डसी अस्पतालमा उपचारको क्रममा मृत्यु भएको जिल्ला ट्राफिक प्रहरी कार्यालय झापाले जनाएको छ ।
मृत्यु हुनेमा स्कुटर चालक झापा गाउँपालिका ३ बस्ने २० वर्षिय भवेश श्रेष्ठ रहेका छन् । त्यस्तै स्कुटर पछाडि सवार झापा गाउँपालिका वडा नं. २ बस्ने २६ वर्षिय शिवकुमार थापा र वडा नं ७ बस्ने सुशान्त शिवाकोटी गम्भीर घाइते भएका छन् । दुवैजनाको बीएण्डसी अस्पतालमा उपचार भइरहेको छ ।
पश्चिमबाट पूर्वतर्फ आउँदै गरेको प्रदेश १–०१–०१६ प.४२८८ नम्बरको स्कुटर र पश्चिमतर्फ जाँदै गरेको एनएमसी डेरीको मे. १ च. ५८६८ नं. को बोलेरो पिकअप एकआपसमा ठक्कर खाँदा स्कुटरमा सवार तीन जना घाइते भएका थिए । दुर्घटनापछि बोलेरो ,बोलेरो चालक र स्कुटरलाई इलाका प्रहरी कार्यालय झिलझिलेले नियन्त्रणमा लिएको छ ।
