झापाको कनकाई नगरपालिका–७ स्थित दुर्गापुरबाट प्रहरीले भारतीय माछा बरामद गरेको छ ।सशस्त्र प्रहरी बल सुरक्षा बेस शनिश्चरेबाट खटिएको गस्ती टोलीले बिहीबार १२० केजी माछा बरामद गरेको हो
। प्र१–०१–०१६प ९३१ नम्बरको मोटरसाइकलमा चार वटा झोलामा लोड गरेर ल्याउँदै गरेको अवस्थामा गस्ती टोलीले करिब ४८ हजार रुपैयाँ मूल्य बराबरको रहु माछा बरामद गरेको थियो ।
पशु क्वारेन्टाइन कार्यालय काँकडभिट्टाका प्रतिनिधि, शनिश्चरे प्रहरी चौकी कार्यालयका प्रतिनिधि, जनप्रतिनिधि, सञ्चारकर्मी र स्थानीयको उपस्थितीमा अर्जुनधारा–६स्थित बेस परिसरभित्र खाल्डोमा पुरेर माछाहरुलाई नष्ट गरिएको र मोटरसाइकललाई सम्बन्धित निकायमा अनुसन्धानको लागि पठाइने बताइएको छ ।
कमेन्टस्
