कनकाई खबर। पर्साको वीरगञ्जस्थित बिर्तामा रहेको बाल सुधार गृह रातभर तनावग्रस्त बनेको छ । भक्तपुरको सुधार गृहमा झडप र अशान्त मच्याएपछि विरगञ्ज पठाएका बाल कैदीबन्दीले त्यहाँ पनि उपद्रो मच्याएका हुन् ।
मंगलवार राति करिब ८ बजे बालगृहमा रहेका बाल कैदीबन्दीहरुबीच आपसमा विवाद भएपछि उनीहरुले तोडफोड र प्रहरीमाथि समेत ढुंगामुढा गरेका छन् ।स्थिति नियन्त्रणमा लिन प्रहरीलाई हम्मेहम्मे परेको थियो । पर्साका एसपी कोमल शाहले बाल कैदी बन्दी निकै उग्र भएकाले बारम्बार समस्या आएको बताए । सुधार गृहमा अहिले १४९ बाल कैदीबन्दी छन् ।
अस्ति भक्तपुरमा विवाद गर्दा १८ कैदीबन्दीलाई विरगञ्जमा पठाएकोमा उनीहरुले त्यहाँ पनि उपद्रो मच्याएका हुन् । बाल कैदीबन्दीहरुले सुधार गृहमा बासी खाना खुवाउने गरेको, यातना दिने गरेको, गलत कुरा गर्दा पनि बोल्न नदिएको जस्ता गुनासा गरेको छन् ।
कमेन्टस्
