मोरङ – विराटनगरबाट स्रोत नखुलेको ९ लाखभन्दा बढी रुपैयाँसहित एक युवकलाई प्रहरीले पक्राउ गरेको छ।शुक्रबार दिउँसो विराटनगर–१४ बाट २६ वर्षीय कृष्ण चौधरीलाई स्रोत नखुलेको ९ लाख १७ हजार ७ सय ५५ रुपैयाँसहित प्रहरीले पक्राउ गरेको हो
।सशस्त्र प्रहरी बल मोरङका प्रमुख प्रहरी उपरीक्षक तीर्थ थापाले विराटनगर–१४ बर्मा टोलका बासिन्दा चौधरीलाई मन्ठा पोखरीनजिकबाट पक्राउ गरेको बताए। भारतर्फबाट प्रदेश १–०२०४९ नम्बरको मोटरसाइकलबाट नेपाल प्रवेश गरेका चौधरीलाई रकमसहित पक्राउ गरिएको हो।
थापाका अनुसार शंका लागेर चेक गर्ने क्रममा मोटरसाइकलको सिटमुनि लुकाएको अवस्थामा रकम फेला परेको हो। सशस्त्र प्रहरीले पक्राउ परेका चौधरीलाई थप अनुसन्धानका लागि रकमसहित सुनसरीस्थित राजश्व अनुसन्धान कार्यालयमा पठाएको छ। देश सञ्चारबाट
कमेन्टस्
