कनकाई खबर/ पूर्व-पश्चिम राजमार्ग अन्तरगत मोरङको उर्लाबारीमा टिपरले मोटरसाइकललाई ठक्कर दिँदा एक डाक्टरको मृत्यु भएको छ ।
मृत्यु हुनेमा सप्तरी घर भएका २८ वर्षीय डा. नीरज यादवको रहेको इलाका प्रहरी कार्यालय उर्लाबारीले जनाएको छ ।मङ्गलवार बिहान उर्लाबारी- ४ स्थित ऊ सत्य साई पेट्रोल पम्प नजिकै पश्चिमबाट पूर्वतर्फ आउँदै गरेको प्र १-०२-०५२ प ४२४१ नम्बरको मोटरसाइकल र पूर्वबाट पश्चिमतर्फ जाँदै गरेको प्र-३-००१ क ००९५ नम्बरको टिपरले ठक्कर दिएको थियो ।
टिपरको ठक्करबाट घाइते डा. यादवको मदन भण्डारी अस्पताल तथा ट्रमा सेन्टर मङ्गलबारेमा उपचारका क्रममा मृत्यु भएको इलाका प्रहरी कार्यालय उर्लाबारीका इन्स्पेक्टर देवेन्द्र दासले जानकारी दिए ।
ठक्कर दिने टिपर र चालक मेचीनगर नगरपालिका ११ का ४४ वर्षीय वीरबहादुर शेर्पालाई प्रहरीले नियन्त्रणमा लिएको छ । डा. यादव बिर्तामोडस्थित कनकाई हस्पिटलमा कार्यरत रहेको बुझिएको छ ।
