झापा । झापामा दुईवटा मोटरसाइकल चोरी गरेको आरोपमा दुई जनालाई प्रहरीले पक्राउ गरेको छ ।
पक्राउ पर्नेहरूमा इलाम चुलाचुली गाउँपालिका- ३ स्थित मंगलसिद्दी बजार बस्ने २७ वर्षीय वीरबहादुर राई र चुलाचुली-३ यलम्बर चोक बस्ने २१ वर्षीय मनोज राई रहेको जिल्ला प्रहरी कार्यालय झापाले जनाएकाे छ ।
प्रहरीका अनुसार गत साउन २५ गते कमल गाउँपालिका- ६ स्थित लखनपुर टोल निवासी अशोककुमार तामाङको घर अगाडी पार्किङ गरि राखिएकाे बजाज कम्पनीको मे ८ प ३४७८ नम्बरको मोटरसाईकल र मे ९ प ८६६८ नम्बरको बजाज कम्पनीकै एनएस मोटरसाईकल चोरी भएकाे थियोे ।
पार्किङ गरी राखिएको दुईवटा मोटरसाइकल एकैसाथ चोरी भएपछि पीडित धनीले इलाका प्रहरी कार्यालय दमकमा उजुरी दिएका थिए ।चोरी भएको माेटरसाइकलहरूकाे खाेजतलास गर्ने क्रममा विशेष सूचनाको आधारमा उनीहरूलाई माेटरसाइकलसहित पक्राउ गरेको जनाइएको छ । पक्राउ परेका दुवै जनामाथि थप अनुसंधान भइरहेको छ ।
