कनकाई खबर \ राष्ट्रिय युवा संघ नेपालले ताप्लेजुङका बाढी–पहिरो पीडितलाई खाद्यान्न सहयोग सुरु गरेको छ ।
सोही क्रममा राष्ट्रिय युवा संघको कनकाई नगर कमिटिले समेत १२ बोरा चामल लगायतका खाद्य सामाग्री पठाएको छ । आज आइतबार सुरुङ्गास्थित ठमेल चोकमा राष्ट्रिय युवा संघ नेपाल कनकाई नगर कमिटिका अध्यक्ष अर्पण राईको अध्यक्षतामा भएको युवा संघको विशेष उपस्थितीमा पहिलो चरणमा संकलन गरिएको चामल पठाइएको हो । सामाजिक क्षेत्रमा समेत क्रियाशिल युवा संघ नेपालमा आवद्ध कनकाई नगर कमिटिका युवाहरु “जहाँ समस्या त्यहाँ राष्ट्रिय युवा संघ” भन्ने अभियानमा सक्रिय रहेको जनाइएको छ ।
स्थानीय सामाजिक एवं राजनीतिक क्षेत्रमा क्रियाशिल व्यवसायीहरुको सहयोगमा उपलव्ध खाद्य सामाग्री ताप्लेजुङ तर्फ पठाइएको राष्ट्रिय युवा संघ नेपालका प्रदेश सचिवालय सदस्य विनोद रानाले जानकारी दिए । संघको केन्द्रिय सर्कुलर अनुसार विभिन्न जिल्लाबाट खाद्यान्न लगायतका सामाग्री त्यस तर्फ जाने क्रम निरन्तर रुपमा भइरहेको संघका प्रदेश सचिवालय सदस्य रानाले जानकारी दिए ।
सोही अवसरमा युवा संघका नेता रानासहित प्रदेश कमिटिका सदस्य सुजन खरेल, युवा संघका जिल्ला सचिवालय सदस्य तथा झापा क्षेत्र नं.४ का संयोजक विश्व विजय खरेल, जिल्ला कमिटि सचिवालय सदस्य सुलभ भण्डारी, खेलकुद महासंघका जिल्ला कमिटि सदस्य पुर्ण लिम्बू, नगर कमिटीका बाबुप्रसाद लिम्बू, सुमन थपलिया लगायतको उपस्थितीमा ताप्लेजुङ तर्फ चामल पठाइएको हो । गत असार २ गते राति हेवा खोलामा आएको बाढीले ताप्लेजुङमा ठुलो धन जनको क्षति पु¥याएको थियो । सो घटनाका पीडित परिवारलाई राष्ट्रिय युवा संघ नेपालले राहत सामाग्री पठाउँने क्रम निरन्तर रुपमा चलिरहेको बताइएको छ ।
