कनकाई खबर \ झापा कनकाई नगरपालिका वडा नं. १ का पुर्व वडा अध्यक्ष रोशनराज पोखरेलको निधनप्रति समवेदना प्रकट गर्न आउँदा सिसाको फ्रेम प्रयोग नगरिदिन परिवारजनका तर्फबाट आग्रह गरिएको छ ।
समबेदना प्रकट गर्न आउँने शुभेच्छुक, शुभचिन्तक, संघसंस्था, राजनीतिक दल, जनप्रतिनिधि लगायत सम्बन्धित सबैले समबेदना सन्देश ल्याउँनै पर्दा सिसाको फ्रेमको सट्टामा ए–फोर साइजको पेपरमा लेमिनेसन गरेर ल्याइदिन अनुरोध गरिएको छ । सिसाको फ्रेम व्यवस्थापनमा असहज हुने भएकाले सम्बन्धीत सबैको सहजताकालागी परिवारजनका तर्फबाट अनुरोध गरिएको जनाइएको छ /
स्व. पोखरेलको हिजो साउन ७ गते आइतबार निधन भएको हो । केही वर्ष अघिदेखि क्यान्सरबाट पिडित बनेका ५२ वर्षिय पोखरेलको हिन्दु परम्परा अनुसार हिजै दिउँसो ४ः३० बजे कनकाई घाटमा अन्त्यष्टी भएको जनाइएको छ । २०७४ को निर्वाचनमा कनकाई वडा नं.१ बाट निर्वाचित पोखरेल अत्यन्तै उर्जाशिल एवं हक्की स्वभावका जनप्रतिनिधिका रुपमा परिचित थिए ।कनकाईको वडा नं.१ दुर्गापुर निवासी स्व. पोखरेलका दुई छोरा र श्रीमति छन् ।
उहाँको निधनप्रति कनकाई खबर डटकम परिवार हार्दिक श्रद्धाञ्जली एवं गहिरो समवेदना प्रकट गर्दछ ।
