कनकाई खबर \ झापा कनकाई नगरपालीका वडा नं. १ का पुर्व वडा अध्यक्ष रोशनराज पोखरेलको निधन भएको छ ।
पुर्वजनप्रतिनिधिको निधनका कारण कनकाई नगरपालिकासहित मातहतका सबै वडा कार्यालय आज एक दिनकालागी शोक विदा गर्ने निर्णय भएको नगरपालिकाबाट जारी सुचनामा जनाइएको छ । २०७४ को निर्वाचनपछि वडाअध्यक्षको जिम्मेवारीमा रहेकै समयमा मुखमा भएको सानो घाउ बढेर क्यान्सरमा परिणत भएपछि पिडित बनेका ५२ वर्षीय पोखरेल नेपालसहित भारतका समेत विभिन्न अस्पतालमा उपचार गराउँदै आएका थिए ।
केही दिनदेखी शारिरीक रुपमा अत्यन्तै शिथिल बन्दै आएका पोखरेलको आइतवार(आज) बिहान ८ः२० बजेको समयमा निधन भएको हो । २०७४ को निर्वाचनमा कनकाई वडा नं.१ बाट निर्वाचित पोखरेल अत्यन्तै उर्जाशिल एवं हक्की स्वभावका थिए । कनकाईको वडा नं.१ दुर्गापुर निवासी स्व. पोखरेलका दुई छोरा र श्रीमति छन् ।
दिउँसो ३ बजे पवित्र कनकाई घाटमा गरिने अन्त्यष्टी कार्यमा उपस्थित भइदिनु हुन सम्पूर्ण जनप्रतिनिधि, इष्टमित्र, नातागोता, कुलकुटुम्ब, छरछिमेकीहरुमा पारिवारजनका तर्फबाट जानकारी गराइन्छ ।
उहाँको निधनप्रति कनकाई खबर डटकम परिवार हार्दिक श्रद्धाञ्जली एवं गहिरो समवेदना प्रकट गर्दछ ।
