झापा – झापा गौरादहबासीको करोडौँ रकम ठगी गरेको आरोपमा सोही स्थानका सुनचाँदी व्यवसायी सोम विश्वकर्मालाई प्रहरीले पक्राउ गरेको छ।
विश्वकर्मालाई बिहीबार पक्राउ गरिएको जिल्ला प्रहरी कार्यालय झापाले जनाएको छ।‘मलाई नखोज्नू’ भन्दै वडाध्यक्षलाई पत्र लेखेर सम्पर्कविहीन भएका विश्वकर्मा सीमावर्ती काँकरभिट्टाबाट पक्राउ परेका हुन्।भारतबाट नेपाल छिरे लगत्तै उनलाई प्रहरीको टोलीले पक्राउ गरेको हो।
उनलाई जिल्ला प्रहरी कार्यालय झापाको हिरासतमा राखेर अनुसन्धान गरिराखिएको प्रहरीले जनाएको छ।गौरादहका ४६६ जनाको २४ करोड ६५ लाख ३ सय ५५ रुपैयाँ हिनामिना गरेर उनी फरार भएका थिए।उनीविरुद्ध इलाका प्रहरी कार्यालय दमकमा पीडितहरूले ठगी मुद्धा दर्ता गरिसकेका छन्।
कमेन्टस्
