बिर्तामोड/ झापाको बिर्तामोडमा १९ बोेरा चिनीसहित पिकअप गाडी प्रहरीले नियन्त्रणमा लिएको छ ।
आज बिहान १० बजे बिर्तामोड ५ बाट चिनी र पिकअप नियन्त्रणमा लिएको हो । उक्त चिनी अवैधरूपमा भित्र्याइएकाे बताइएकाे छ । चालकबिना रोकिराखेको प्र १-०१-००१ च ९९०१ नम्बरको पिकअप गाडीलाई जिल्ला प्रहरी कार्यालय र ईलाका प्रहरी कार्यालय बिर्तामोडबाट खटिएको संयुक्त प्रहरी टोलीले शंका लागेर चेकजाँच गरेको थियो ।
त्यसक्रममा पिकअप गाडीभित्र ५० केजी दरको १९ बोरा चिनी अन्दाजी मूल्य ७० हजार बराबरको फेला परेको थियो । चिनी र उक्त पिकअप गाडी अन्दाजी मूल्य ८लाख बराबरको समेतगरी जम्मा ८ लाख ७० हजार बराबरको सामान नियन्त्रणमा लिई आवश्यक कार्वाहीको लागि मेची भन्सार कार्यालय काँकरभिट्टामा बुझाइएको जिल्ला प्रहरी कार्यालय झापाले जनाएको छ ।
