दुईवटा भैंसी चोरेको आरोपमा धनुषा प्रहरीले एकजनालाई पक्राउ गरेको छ ।
पक्राउ पर्नेमा धनुषाको मिथिला विहारी नगरपालिका ७ तारापट्टीका ३७ वर्षीय बली मुखिया छन् ।गत आइतबार मिथिला विहारी नगरपालिका ६ पथरा टोल बस्ने सुवलाल यादवको गोठबाट २ वटा भैंसी हराएको थियो ।
प्रहरीले खोजतलास गर्ने क्रममा सोमबार राति १० बजे ती दुई भैंसीसहित मुखियालाई तारापट्टी टोलस्थित भित्री सडक खण्डमा पैदल हिडाइँ रहेको अवस्थामा फेला पारेको धनुषाका प्रहरी प्रवक्ता डिएसी वेदप्रसाद गौतमले जानकारी दिए ।उनीमाथि चोरी कसूर मुद्दामा धनुषा जिल्ला अदालतबाट ५ दिनको म्याद थप गरी अनुसन्धान गरिरहेको जिल्ला प्रहरी कार्यालय धनुषाले जनाएको छ ।
कमेन्टस्
