जनकपुर, ५ जेठ– कारले मोटरसाइकलमा ठक्कर दिँदा एक पत्रकारको ज्यान गएको छ ।
दुर्घटनामा स्थानीय पत्रकार धनुषा शहीदनगर नगरपालिका– ८ का ३२ वर्षीय शिवेन्द्र रोहिताको मृत्यु भएको प्रहरीले जनाएको छ ।
रोहिता सवार प्रदेश२ज ५६९४ नम्बरको मोटरसाइकललाई बा२१च ३३४३ नम्बरको कारले शनिबार बिहान ३ बजेको समयमा जनकपुरधामस्थित थापाचोकमा ठक्कर दिएको थियो ।
मोटरसाइकल पछाडि सवार २५ वर्षीय जयनाथ यादव घाइते भएका छन् । यादवको सीता अस्पतालमा उपचार भइरहेको छ ।
ठक्कर दिने कार र चालकलाई प्रहरीले नियन्त्रणमा लिएको छ ।
कमेन्टस्
