कनकाई खबर / झापा जिल्ला अन्तरपालिका स्तरीय कर्मचारी फुटबल प्रतियोगिता–२०८३ अन्तर्गत आइतवार सम्पन्न क्वार्टरफाइनल चरणका चार खेलसँगै प्रतियोगिताको सेमिफाइनल समीकरण पूरा भएको छ । खेलमा शिवसताक्षी नगरपालिका, गौरीगञ्ज गाउँपालिका, अर्जुनधारा नगरपालिका र कनकाई नगरपालिका विजयी हुँदै सेमिफाइनलमा प्रवेश गरेका छन् ।
पहिलो क्वार्टरफाइनल खेलमा शिवसताक्षी नगरपालिकाले बिर्तामोड नगरपालिकालाई २–० गोलअन्तरले पराजित गर्दै सेमिफाइनलमा आफ्नो स्थान सुरक्षित गरेको छ । त्यसैगरी दोस्रो खेलमा अर्जुनधारा नगरपालिका र दमक नगरपालिकाबीच प्रतिस्पर्धा भएको थियो । उक्त खेलमा अर्जुनधारा नगरपालिका विजयी हुँदै सेमिफाइनलमा प्रवेश गर्न सफल भएको छ ।
तेस्रो खेलमा गौरीगञ्ज गाउँपालिका र झापा गाउँपालिकाबीच प्रतिस्पर्धा भएको थियो । निर्धारित समयमा खेल बराबरीमा सकिएपछि टाइब्रेकरमार्फत भएको निर्णयमा गौरीगञ्ज गाउँपालिकाले जित हासिल गर्दै अन्तिम चारमा स्थान बनाएको छ ।
अन्तिम क्वार्टरफाइनल खेलमा आयोजक कनकाई नगरपालिका र बुद्धशान्ति गाउँपालिकाबीच प्रतिस्पर्धा भएको थियो । घरेलु मैदानमा उत्कृष्ट प्रदर्शन गरेको कनकाई नगरपालिकाले बुद्धशान्ति गाउँपालिकालाई ४–१ गोलअन्तरले पराजित गर्दै शानदार जितसहित सेमिफाइनलमा प्रवेश गरेको छ ।
यससँगै प्रतियोगिताको उपाधिका लागि प्रतिस्पर्धा गर्ने चार टोलीको टुङ्गो लागेको छ । सोमवार सेमिफाइनल चरणका दुई खेल सञ्चालन हुने आयाेजक समितिका संयाेजक कनकाई नगरपालिकाका लेखा अधिकृत क्षेत्रनाथ शर्माले जानकारी दिए ।
पहिलो सेमिफाइनल शिवसताक्षी नगरपालिका र गौरीगञ्ज गाउँपालिका, दोस्रो कनकाई नगरपालिका र अर्जुनधारा नगरपालिकाबीच खेल हुने आयोजक समितिका संयाेजक क्षेत्रनाथ शर्माले जानकारी दिए ।
जिल्लाभित्रका विभिन्न स्थानीय तहमा कार्यरत कर्मचारीहरूबीच आपसी सद्भाव, भाइचारा, सहकार्य र खेलकुद संस्कृतिको विकास गर्ने उद्देश्यले प्रतियोगिता आयोजना गरिएको हो ।
Shares
प्रतिक्रिया
इजलास दैनिक
- प्रदेश प्रमुख खापुङसँग मुख्यमन्त्री कार्कीद्वारा बिदाइ भेट
- झापा जिल्ला अन्तरपालिका स्तरीयक कर्मचारी फुटबलको सेमिफाइनल समीकरण पूरा
- देश गम्भीर संकटतर्फ अघि बढिरहेको छ – पूर्वप्रधानमन्त्री भट्टराई
- स्थानीय तहका लागि रास्वपाको क्यान्डिडेट क्लबमा आवेदन खुला
- आठ महिनापछि बालेन सरकारप्रति गगन आक्रामक
सम्बन्धित खबर
प्रदेश प्रमुख खापुङसँग मुख्यमन्त्री कार्कीद्वारा बिदाइ भेट
देश गम्भीर संकटतर्फ अघि बढिरहेको छ – पूर्वप्रधानमन्त्री भट्टराई
स्थानीय तहका लागि रास्वपाको क्यान्डिडेट क्लबमा आवेदन खुला
आठ महिनापछि बालेन सरकारप्रति गगन आक्रामक
ग्रामिण प्रेस क्लब झापाको अध्यक्षमा पुन : विमली
प्रथम अन्तर्राष्ट्रिय ५ एस हक्की प्रतियोगिताको उपाधि आयोजकलाई
भर्खरै
प्रदेश प्रमुख खापुङसँग मुख्यमन्त्री कार्कीद्वारा बिदाइ भेट
झापा जिल्ला अन्तरपालिका स्तरीयक कर्मचारी फुटबलको सेमिफाइनल समीकरण पूरा
देश गम्भीर संकटतर्फ अघि बढिरहेको छ – पूर्वप्रधानमन्त्री भट्टराई
स्थानीय तहका लागि रास्वपाको क्यान्डिडेट क्लबमा आवेदन खुला
आठ महिनापछि बालेन सरकारप्रति गगन आक्रामक
ग्रामिण प्रेस क्लब झापाको अध्यक्षमा पुन : विमली
प्रथम अन्तर्राष्ट्रिय ५ एस हक्की प्रतियोगिताको उपाधि आयोजकलाई
