कनकाई छठको रक्तदान

सुरुङ्गा \ कनकाई नगर क्षेत्रको सामाजिक गतिविधिमा क्रियाशिल रहेको कनकाई छठ सेवा समाजले आफ्नो सामाजिक उत्तरदायित्व अन्तर्गत रक्तदान कार्यक्रम सम्पन्न गरेको छ ।

     संस्थाको वार्षिक कार्यक्रमका रुपमा हरेक वर्ष संचालन हुँदै आएको यस पटकको कार्यक्रममा दुई जना महिलासहित ५४ जनाले रक्तदान गरको कार्यक्रमका संयोजक किरण कारकले वताएका छन् । छठ समाजका अध्यक्ष पवन शाहको सभापतित्व एवम् कनकाई नगर वडा नं.३ का वडा अध्यक्ष रुद्रप्रसाद चिमरीयाको प्रमुख आतिथ्यता रहेको रक्तदान कार्यक्रममा नेपाल रेडक्रस सोसाइटी उपशाखा विर्तामोड रक्तसंचार केन्द्रको प्राविधिक सहयोग रहेको वताइएको छ ।

     समाजका वरिष्ठ सल्लाहकार जगतनारायण मण्डलले औचित्य सहित स्वागत गरेको कार्यक्रममा समाजका संस्थापक अध्यक्ष उपेन्द्र प्रधान, निवर्तमान अध्यक्ष किशनकुमार सोनी, पुर्व अध्यक्ष चन्दन शाह, पुर्व सचिव शम्भु शाह लगायतले मन्तव्य राखेका थिए । वरिष्ठ उपाध्यक्ष शिवशंकर महासेठ , कोषाध्यक्ष मुन्ना शाह, विजय शर्मा र राजकिशोर चौधरीको विशेष व्यवस्थापन रहेको कार्यक्रममा रविद्र गुप्ता र अरुणकुमार यादवको प्राविधिक सहयोग रहेको वताइएको छ ।

     विर्तामोड स्थित कंगारु कन्सल्टेन्सीको आर्थिक सहयोग रहेको कार्यक्रममा ओम पञ्जियार, महाविर महासेठ, प्रमिला शाह, निरज शाह, विरेन्द्र शाह, नरेश पोद्धार लगायतले फलफूल, जुस तथा पानीको सौजन्य गरेको समाजका सचिव दिपेन्द्र प्रधानले वताएका छन् । रक्तदान कार्यक्रमको उद्घाटन समारोहको संचालन समाजका महासचिव खगेन्द्र महतोले गरेका थिए ।

Facebook Comments