अध्यक्ष कप प्रदेशनम्बर १ पालिका स्तरीय भलिबल प्रतियोगिता अब क्वाटर फाइनल राउण्डमा

  राम निरौला

शरणामति \  झापाको झापा गाउँपालिका ६ शरणामतीमा जारी अध्यक्ष कप प्रदेश नम्बर १ पालिका स्तरीय भलिबल प्रतियोगिताको बुधवारको खेलमा झापाको बिर्तामोड, संखुवासभाको सभापोखखरी र भोजपुरका रामप्रसाद राई गाउँपालिका र टेक्के मयुङ गाउँपालिकाले आआफ्नो खेलमा जित निकाल्दै क्वाटर फाइनलमा प्रवेश पाएका छन ।

   बुधबार भएको पहिलो खेलमा सभापोखरीले झापाको कनकाई नगरपालिकालाई २५—१४, २५—१९ र २५—१६ को सोझो सेटमा पराजित गरेको थियो । प्रतियोगिताको उत्कृष्ट खेलाडी भने कनकाई नगरपालिकाका सरोज चम्लगाईँ घोषित भए । उनले नगद एक हजार रुपैँया सहित ट्रफि पाएका छन् ।

   त्यस्तै दोस्रो खेलमा भोजपुरको टेम्के मयुङ गाउँपालिकाले झापाको मेचीनगरलाई बेष्ट अफ फाइभको प्रतिस्पर्धामा हराएको छ ।
रोमान्चक रहेको खेलमा पहिलो दुई सेट मेचीनगरले जितेर पनि पछिल्ला लगातार तीन सेट पराजित हुनपुगेको थियो । मेचीनगरले २५—१७ र २५—१५ मा दुई सेट जित्दा त्यसपछिका लगातार तीन सेट टेम्केले २५—१५, २५—१६ र २५—९ ले जित्दै जित आफ्नो पक्षमा पारेको थियो । दोस्रो खेलको उत्कृष्ट खेलाडी मेचीनगरका रोमान्स राई घोषीत भए ।

    तेस्रो खेलमा भद्रपुरलाई सोझो सेटमा हराउँदै रामप्रसाद राई गाउँपालिका बिजयी भएको छ । रामप्रसाद राई गाउँपालिकाले भद्रपुरलाई २३—२५, २२—२५ र २०—२५ ले हराएको हो । प्रतियोगिताको उत्कृष्ट खेलाडी भद्रपुरका लिब्रो पारस शर्मा घोषीत भए ।   बुधवारको अन्तिम खेलमा भने झापा बिर्तामोडले रोमान्चक जित निकालेको छ । बिर्तामोडले भोजपुरको आमचोक गाउँपालिकालाई बेष्ट अफ फाइभमा हराएको छ । आमचोकले दुई सेट २१—२५र १९—२५ ले जित्दा बिर्तामोडले पनि १५—२५, २१—२५ र अन्तिम सेट २५—१३ ले जित्दै बिजयी बनेको हो । प्रतियोगिताको म्यान अफ द म्याच बिर्तामोडका रोशन डाँगी भएको आयोजक समितिका सागरकिरण भट्टराईले बताए ।

   बिहिवार समेत सदाझैं नियमित ४ खेल हुने खेल रेफ्री राजु पाठकले जानकारी दिएका छन् । बिहिवार झापाको दमक नगरपालिका र सोलुखुम्बुको नेचा सल्लेरी गाउँपालिकाविच पहिलो खेल विहान ८ बजे यसैगरी दोस्रो भोजपुरकै रामप्रसाद राई र सभापोखरी गाउँपालिका बिच र तेस्रो खेल भोजपुरकै टेम्के मैयुङ र झापाको बिर्तामोड विच हुने छ भने अन्तिम खेल आयोजक झापा गाउँपालिका र बाह्रदशी गाउँपालिकाविच हुने आयोजक समितिका अध्यक्ष गजेन्द्र ताम्लीले बताएका छन् ।

     प्रतियोगितामा प्रदेश नम्बर एकका २२ पालिकाको सहभागिता रहेको छ । प्रतियोगितामा प्रथम, दोस्रो र तेस्रो हुने टिमले नगद १ लाख १ हजार १ सय ११ , ७१ हजार १११, २१ हजार १११ र सान्त्वना हुने एक टिमले १० हजार १ सय ११ रुपैँया पाउने छ । प्रतियोगिताको विधागत उत्कृष्ट खेलाडीले नगद सहित पुरस्कार पाउँदा सर्वोत्कृष्ट खेलाडीले समेत नगद १० हजार रुपैँया पाउने छ । प्रतियोगिताको फाइनल खेल शनिवार हुने वताइएको छ ।

Facebook Comments